‘ഉയരെ ഉന്നതി’ ജനസമ്പർക്ക പരിപാടിയുടെ മൂന്നാം ഘട്ടം വാഴക്കുളം ഗ്രാമപഞ്ചായത്തിലെ നോർത്ത് എഴിപ്പുറം ഗവ. യു.പി. സ്കൂളിൽ
സർക്കാർ പദ്ധതികളും ആനുകൂല്യങ്ങളും ജനങ്ങളിലേക്ക് കാര്യക്ഷമമായി എത്തിക്കുന്നതിനും ജനങ്ങളുടെ പ്രശ്നങ്ങൾ നേരിട്ടറിഞ്ഞ് പരിഹാരനടപടികൾക്ക് നേതൃത്വം നൽകുന്നതിനായി എം.എൽ.എ വി.പി. സജീന്ദ്രന്റെ നേതൃത്വത്തിൽ സംഘടിപ്പിക്കുന്ന ‘ഉയരെ ഉന്നതി’ ജനസമ്പർക്ക പരിപാടിയുടെ മൂന്നാം ഘട്ടം വാഴക്കുളം ഗ്രാമപഞ്ചായത്തിലെ നോർത്ത് എഴിപ്പുറം ഗവ. യു.പി. സ്കൂളിൽ നടന്നു. ഉന്നതികളിലെ അടിസ്ഥാനസൗകര്യ പ്രശ്നങ്ങൾ, സർക്കാർ ആനുകൂല്യങ്ങൾ ലഭിക്കുന്നതിലെ തടസ്സങ്ങൾ, പൊതുജനങ്ങളുടെ വിവിധ പരാതികൾ എന്നിവ നേരിട്ട് കേട്ട് ആവശ്യമായ ഇടപെടലുകൾ ഉറപ്പാക്കുന്നതിനാണ് പരിപാടി സംഘടിപ്പിച്ചത്.
ഞായറാഴ്ച രാവിലെ എട്ടിന് ആരംഭിച്ച പരിപാടിയിൽ വിവിധ മേഖലകളിൽ നിന്നുള്ളവർ എം.എൽ.എയ്ക്ക് മുന്നിൽ പരാതികളും ആവശ്യങ്ങളും അവതരിപ്പിച്ചു. സർക്കാർ വകുപ്പുകളുമായി ബന്ധപ്പെട്ട വിഷയങ്ങളിൽ പരിഹാരം കണ്ടെത്തുന്നതിനും അർഹരായവർക്ക് ആനുകൂല്യങ്ങൾ ലഭ്യമാക്കുന്നതിനും ആവശ്യമായ നടപടികൾ സ്വീകരിക്കുക എന്നതായിരുന്നു പരിപാടിയുടെ പ്രധാന ലക്ഷ്യം.
ഉന്നതികളിലെ ജനങ്ങൾ നേരിടുന്ന പ്രശ്നങ്ങൾ നേരിട്ടറിയാനും അവയ്ക്ക് പരിഹാരം കാണുന്നതിനായി ബന്ധപ്പെട്ട അധികൃതരുടെ ശ്രദ്ധയിൽപ്പെടുത്താനും പരിപാടി അവസരമൊരുക്കി. സർക്കാർ സേവനങ്ങളും ആനുകൂല്യങ്ങളും സാധാരണക്കാർക്ക് കൂടുതൽ ലഭ്യമാക്കുന്നതിനും ജനങ്ങളുടെ ആവശ്യങ്ങൾക്കനുസരിച്ച് തുടർനടപടികൾ ഉറപ്പാക്കുന്നതിനും ജനസമ്പർക്ക പരിപാടി പ്രാധാന്യം നൽകി.
What's Your Reaction?
