Supreme Court on Arvind Kejriwal's Bail: അരവിന്ദ് കേജ്രിവാളിൻ്റെ ജാമ്യാപേക്ഷ; സുപ്രീം കോടതി ബെഞ്ച് ചീഫ് ജസ്റ്റിസിന് കൈമാറി

ഡൽഹി മുഖ്യമന്ത്രി അരവിന്ദ് കേജ്രിവാളിൻ്റെ ജാമ്യം നീട്ടണമെന്ന ഹർജി സുപ്രീം കോടതിയുടെ അവധിക്കാല ബെഞ്ച് ചൊവ്വാഴ്ച ചീഫ് ജസ്റ്റിസ് ഡി വൈ ചന്ദ്രചൂഡിന് അയച്ചു. ജൂൺ ഒന്നിന് കാലാവധി തീരുന്ന കേജ്രിവാളിൻ്റെ ഇടക്കാല ജാമ്യാപേക്ഷ ആരോഗ്യപരമായ കാരണങ്ങളാൽ ഏഴ് ദിവസത്തേക്ക് നീട്ടണമെന്നാവശ്യപ്പെട്ടാണ്.

മാർച്ച് 21 ന് മദ്യനയ കേസിൽ എൻഫോഴ്‌സ്‌മെൻ്റ് ഡയറക്ടറേറ്റ് അറസ്റ്റ് ചെയ്ത കേജ്രിവാളിൻ്റെ ഇടക്കാല ജാമ്യാപേക്ഷയിൽ ലോക്‌സഭാ തിരഞ്ഞെടുപ്പ് പ്രചാരണത്തിനായി മോചിപ്പിക്കാൻ മെയ് 10ന് സുപ്രീം കോടതി ഉത്തരവിട്ടിരുന്നു.

കേജ്രിവാളിന് വേണ്ടി ഹാജരായ മുതിർന്ന അഭിഭാഷകൻ അഭിഷേക് മനു സിംഗ്‌വി, ജാമ്യം നീട്ടിനൽകാനുള്ള അപേക്ഷ ബുധനാഴ്ച പരിഗണിക്കണമെന്ന് കോടതിയെ അറിയിച്ചു. “ഇത് ഡൽഹി മുഖ്യമന്ത്രിയുടെ കാര്യമാണ്. ഏഴ് ദിവസത്തെ നീട്ടിനൽകിയാൽ മതി”. അഭിഭാഷകൻ കോടതിയോട് പറഞ്ഞു.

"ഹർജി കേൾക്കുകയും മാറ്റിവെക്കുകയും ചെയ്തു. ഇത് ചീഫ് ജസ്റ്റിസിൻ്റെ മുമ്പാകെ വയ്ക്കട്ടെ. അദ്ദേഹം തീരുമാനം എടുക്കട്ടെ. ഞങ്ങൾ ഇത് ചീഫ് ജസ്റ്റിസിന് മുന്നിൽ വയ്ക്കാം." ജസ്റ്റിസ് ജെ കെ മഹേശ്വരിയുടെ നേതൃത്വത്തിലുള്ള ബെഞ്ച് പറഞ്ഞു.

അരവിന്ദ് കേജ്രിവാളിനെ ഡോക്ടർമാർ വൈദ്യപരിശോധന നടത്തിയതിന് ശേഷമാണ് ഹർജി മാറ്റിയതെന്നും സിംഗ്വി പറഞ്ഞു.

“ചില മെഡിക്കൽ പരിശോധനകൾ നടത്തി റിപ്പോർട്ട് സമർപ്പിക്കാനുണ്ട്. അതിനാലാണ് ജാമ്യം ഏഴ് ദിവസത്തേക്ക് മാത്രം നീട്ടി നൽകാൻ സമയം ചോദിച്ചത്. " കേജ്രിവാളിൻ്റെ ഇടക്കാല ജാമ്യം സുപ്രീം കോടതി അംഗീകരിച്ചപ്പോൾ എന്തുകൊണ്ട് ഇക്കാര്യം പരാമർശിച്ചില്ലെന്ന് ബെഞ്ച് ചോദിച്ചപ്പോൾ അദ്ദേഹത്തിൻ്റെ അഭിഭാഷകൻ പറഞ്ഞു,