‘കെ മുരളീധരൻ ഒരിക്കലും BJPയിൽ പോകില്ലെന്ന് ഉറപ്പുണ്ട്’: കെ സുരേന്ദ്രന് മറുപടി നൽകി രമേശ് ചെന്നിത്തല | Ramesh Chennithala

കെ സുരേന്ദ്രൻ്റെ പ്രസ്താവനയ്ക്ക് മറുപടി നൽകി രമേശ് ചെന്നിത്തല രംഗത്തെത്തി. കോൺഗ്രസ് നേതാവ് കെ മുരളീധരൻ ഒരിക്കലും ബി ജെ പിയിൽ പോകില്ല എന്ന്‌ ഉറപ്പുണ്ടെന്നാണ് അദ്ദേഹം പറഞ്ഞത്.

ബി ജെ പി സംസ്ഥാന അധ്യക്ഷനായ കെ സുരേന്ദ്രൻ നേരത്തെ കെ മുരളീധരൻ എന്തിനാണ് ആട്ടും തുപ്പും സഹിച്ച് കോൺഗ്രസിൽ നിൽക്കുന്നതെന്ന് ചോദിച്ചിരുന്നു. അദ്ദേഹത്തോടുള്ളത് സഹതാപം മാത്രമാണെന്നും സുരേന്ദ്രൻ പറഞ്ഞിരുന്നു. ഇതിനാണ് രമേശ് ചെന്നിത്തല മറുപടി നൽകിയത്.

പാലക്കാട് ഉപതെരഞ്ഞടുപ്പിനെക്കുറിച്ചും അദ്ദേഹം നിലപാടറിയിച്ചു. പാലക്കാട് ഇടതുപക്ഷവുമായിട്ടാണ് പോരാട്ടമെന്നും, ബി ജെ പി ചിത്രത്തിൽപ്പോലും ഇല്ലെന്നും അദ്ദേഹം പ്രതികരിച്ചു.