പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ‘ഗോൾഡ്’ സിനിമയുടെ റിലീസ് ഇനിയും നീളുമെന്ന് വ്യക്തമാക്കി സംവിധായകൻ അൽഫോൻസ് പുത്രൻ. ഫേസ്ബുക്കിൽ ഒരു ആരാധകന്‍റെ കമന്‍റിന് മറുപടിയായാണ് അൽഫോൻസ് ഇക്കാര്യം വെളിപ്പെടുത്തിയിരിക്കുന്നത്. തിരുവോണത്തിന് ഇറങ്ങേണ്ടിയിരുന്ന ചിത്രത്തിന്‍റെ റിലീസ് പോസ്റ്റ് പ്രൊഡക്ഷൻ ജോലികൾ തീരാനുള്ളതുകൊണ്ടാണ് നീട്ടി വയ്ക്കുകയുണ്ടായത്.

റിലീസ് ഡേറ്റ് എന്നാണ് എന്നായിരുന്നു ആരാധകന്‍റെ കമന്‍റ്. ‘കുറച്ചു കൂടി വർക്ക് തീരാനുണ്ട് ബ്രോ. കുറച്ച് സിജി, കുറച്ച് മ്യൂസിക്, കുറച്ച് കളറിങ്, കുറച്ച് അറ്റകുറ്റപ്പണികളും ബാലൻസ് ഉണ്ട്. അതു തീരുമ്പോൾ തന്നെ ഞാൻ ഡേറ്റ് പറയാം. അതുവരെ എന്നോട് ക്ഷമിക്കണം ബ്രോ. ഓണം ആയിരുന്നു തീയേറ്ററിൽനിന്ന് സജസ്റ്റ് ചെയ്ത ഡേറ്റ്. പക്ഷേ അന്ന് വർക്ക് തീർന്നില്ല. വേവാത്ത ഭക്ഷണം ആർക്കും ഇഷ്ടാവില്ല ബ്രോ. അതുകൊണ്ട് നല്ലോണം വെന്തിട്ട് തരാം എന്ന് കുക്ക് ആയ ഞാൻ തീരുമാനിച്ചു. റിലീസ് ഡേറ്റ് പ്രഖ്യാപിച്ചിട്ട് റിലീസ് ചെയ്യാൻ കഴിയാത്തതിൽ ക്ഷമിക്കണം’, എന്നാണ് അൽഫോൻസ് നൽകിയിരിക്കുന്ന മറുപടി.

സൂപ്പർ ഹിറ്റായ പ്രേമത്തിന് ശേഷം ഏഴുവർഷത്തെ കാത്തിരിപ്പിനു ശേഷമാണ് അൽഫോൻസ് പുത്രന്‍റെ ചിത്രം തീയേറ്ററുകളിലെത്തുന്നത്. പൃഥ്വിരാജ് നായകനാകുന്ന ചിത്രത്തിൽ നയൻതാരയാണ് നായികയായെത്തുന്നത്. അൽഫോൻസിന്‍റെ മറുപടിക്ക് നിരവധി കമന്‍റുകളാണ് വരുന്നത്. വേവാൻ ആയി കാത്തിരിക്കുന്നുവെന്നാണ് പലരും കമന്‍റ് ചെയ്തിരിക്കുന്നത്

Read Latest Malayalam Movie News

എയർ ഇന്ത്യ എക്സ്പ്രസ് മസ്കത്ത് - കൊച്ചി വിമാനത്തിന്റെ ചിറകിൽ നിന്നും പുക; ആളപായമില്ല