ഹരിയാനയിൽ കോൺഗ്രസ് അധികാരത്തിൽ എത്തും: കുമാരി ഷെൽജ
ഹരിയാനയിൽ നടക്കാനിരിക്കുന്ന നിയമസഭ തെരഞ്ഞെടുപ്പിൽ കോൺഗ്രസ് വൻ വിജയം നേടുമെന്ന് മുതിർന്ന കോൺഗ്രസ് നേതാവും എംപിയുമായ കുമാരി ഷെൽജ. പത്ത് വർഷത്തെ ബിജെപിയുടെ ഭരണം സംസ്ഥാനത്തെ എല്ലാ മേഖലകളേയും തകർത്തുവെന്ന് പറഞ്ഞ ഷെൽജ തെരഞ്ഞെടുപ്പ് ഫലത്തിന് ശേഷം കോൺഗ്രസ് തന്നെ സർക്കാർ രൂപീകരിക്കുമെന്നും വ്യക്തമാക്കി.
ബിജെപി വാഗ്ദാനം ചെയ്ത കാര്യങ്ങളൊന്നും നടന്നില്ലെന്നും അവയെല്ലാം വെറും സ്വപ്നങ്ങൾ മാത്രമായി അവശേഷിക്കുകയാണെന്നും അവർ പരിഹസിച്ചു. അഗ്നിവീർ പോലെയുള്ള കാര്യങ്ങൾ കൊണ്ടുവന്ന് യുവാക്കളോട് ബിജെപി സർക്കാർ അനീതിയാണ് കാണിച്ചിരിക്കുന്നതെന്നും കോൺഗ്രസ് എംപി പറഞ്ഞു. കേന്ദ്രത്തിലെയും സംസ്ഥാനത്തെയും ബിജെപിയുടെ ജനദ്രോഹസർക്കാരുകൾക്കെതിരായ വിധിയെഴുത്തായിരിക്കും ഹരിയാനയിൽ ഉണ്ടാവുക എന്നും ഷെൽജ പറഞ്ഞു.
What's Your Reaction?
