YES BANK തട്ടിപ്പ് കേസ്; അനില് അംബാനിയ്ക്ക് ലുക്ക് ഔട്ട് നോട്ടീസ്
റിലയന്സ് ഗ്രൂപ്പ് ചെയര്മാന് അനില് അംബാനിക്കെതിരെ എന്ഫോഴ്സ്മെന്റ് ഡയറക്ടറേറ്റ് ലുക്ക് ഔട്ട് നോട്ടീസ് പുറപ്പെടുവിച്ചതായി റിപ്പോര്ട്ടുകള്. യെസ് ബാങ്കുമായി ബന്ധപ്പെട്ട 3000 കോടി രൂപയുടെ വായ്പ തട്ടിപ്പുകേസിലാണ് നടപടിയെന്നാണ് വിവരം. കഴിഞ്ഞ ദിവസങ്ങളില് ഇതുമായി ബന്ധപ്പെട്ട് ഇഡി റെയ്ഡ് നടത്തിയിരുന്നു.
ഇഡി പരിശോധനയില് പലയിടങ്ങളില് നിന്നായി നിരവധി രേഖകളും ഇലക്ട്രോണിക് ഉപകരണങ്ങളും കണ്ടെടുത്തതായും റിപ്പോര്ട്ടുകളുണ്ടായിരുന്നു. അനില് അംബാനിയോട് ഓഗസ്റ്റ് 5ന് ഹാജരാകാന് ഇഡി അറിയിച്ചിട്ടുണ്ട്. കള്ളപ്പണം വെളുപ്പിക്കല് കേസില് ജൂലായ് 24 മുതലാണ് ഇഡി പരിശോധന ആരംഭിച്ചത്.
അനില് അംബാനിയുമായി ബന്ധപ്പെട്ട മുംബൈയിലെ 35 കേന്ദ്രങ്ങളിലാണ് പരിശോധന. ഇതില് 50 കമ്പനികളും അനില് അംബാനി ഗ്രൂപ്പ് കമ്പനീസുമായി ബന്ധപ്പെട്ട ഉദ്യോഗസ്ഥരും ഉള്പ്പെടുന്നുണ്ട്. ഇതിന് പിന്നാലെയാണ് ഇഡി ലുക്ക് ഔട്ട് നോട്ടീസ് പുറത്തിറക്കിയത്. വ്യക്തികള് രാജ്യം വിട്ടുപോകുന്നത് തടയാനാണ് സാധാരണയായി ലുക്ക് ഔട്ട് സര്ക്കുലര് ഉപയോഗിക്കുന്നത്.
What's Your Reaction?
