ഹോളിവുഡ് സിനിമയെ വെല്ലുന്ന മോഷണം; സ്പ്രേ കണ്ണിലടിച്ച് തുണിക്കടയിലെ യുവതിയെ കൊള്ളയടിച്ചു
തലായി മുക്ക് - ഏഴിലോട് റോഡില്‍ സഞ്ജന ഗാര്‍മെന്റ്സ് നടത്തുന്ന മുട്ടം വെങ്ങരയിലെ എംവി സൗമ്യയുടെ രണ്ട് പവന്റെ മാലയും മുക്കാല്‍ പവന്റെ വളയും പേഴ്സില്‍ കരുതിയ 1500 പണവുമാണ് കവര്‍ന്നത്.
കണ്ണൂരില്‍ മോഷണവും ഹൈടെക്കായി. ഹോളിവുഡ് സിനിമയെ വെല്ലുന്ന തരത്തില്‍ കുഞ്ഞിമംഗലത്ത് കണ്ണെരിയുന്ന സ്പ്രേ അടിച്ചു തുണിക്കടയിലെ യുവതിയെ കൊള്ളയടിച്ചു. കുഞ്ഞിമംഗലംതലായി മുക്കില്‍ തുണിക്കട നടത്തുന്ന യുവതിയുടെ സ്ഥാപനത്തില്‍ തുണി വാങ്ങാനെന്ന വ്യാജേനെ കയറിയ മധ്യവയസ്‌കനായ മോഷ്ടാവ് മുഖത്ത് സ്പ്രേ അടിച്ച് മാലയും വളയും പണവും കവര്‍ന്നു രക്ഷപ്പെട്ടു. തിങ്കളാഴ്ച്ച രാവിലെയാണ് സംഭവം.
തലായി മുക്ക് - ഏഴിലോട് റോഡില്‍ സഞ്ജന ഗാര്‍മെന്റ്സ് നടത്തുന്ന മുട്ടം വെങ്ങരയിലെ എംവി സൗമ്യയുടെ രണ്ട് പവന്റെ മാലയും മുക്കാല്‍ പവന്റെ വളയും പേഴ്സില്‍ കരുതിയ 1500 പണവുമാണ് കവര്‍ന്നത്. സൈക്കിളിലെത്തിയ മോഷ്ടാവ് കടയില്‍ കയറിയ ശേഷം യുവതിയുടെ മുഖത്ത് സ്പ്രേ അടിച്ച ശേഷം മാല കവര്‍ന്ന് രക്ഷപ്പെടുകയായിരുന്നു.
യുവതിയുടെ മുഖത്ത് സ്പ്രേ അടിച്ച് ദേഹാസ്വാസ്ഥ്യമുണ്ടാക്കിയാണ് മോഷ്ടാവ് കവര്‍ച്ച നടത്തി രക്ഷപ്പെട്ടത്. വിവരമറിഞ്ഞ് പയ്യന്നൂര്‍ പോലീസ് സ്ഥലത്തെത്തി. സമീപമുള്ള സ്ഥലങ്ങളിലെ സിസിടിവി ക്യാമറയില്‍ പ്രതിയുടെ ചിത്രം പതിഞ്ഞിട്ടുണ്ട്. ഇത് കേന്ദ്രീകരിച്ച് പോലീസ്അന്വേഷണം ആരംഭിച്ചിട്ടുണ്ട്. കണ്ണെരിഞ്ഞ് കാഴ്ച നഷ്ടപ്പെട്ടതിനാല്‍ യുവതിക്ക് കടയിലേക്ക് വന്ന മോഷ്ടാവിനെ തിരിച്ചറിയാന്‍ കഴിഞ്ഞില്ല. ആരുമില്ലാത്ത സമയം നോക്കിയാണ് ഇയാള്‍ കടയിലേക്ക് വന്നതെന്നാണ് മൊഴി.
What's Your Reaction?
