ഏകദേശം 240,000 ജീവൻരക്ഷാ പ്രതിരോധകുത്തിവെയ്പ്പ് ഡോസുകൾ കുട്ടികൾക്കായി വിതരണം ചെയ്തു: യൂണിസെഫ്

യുക്രേനിയൻ ആരോഗ്യ മന്ത്രാലയത്തിന്റെ വിശ്വസ്ത പങ്കാളിയായ യൂണിസെഫ് 156,960 ഡോസ് നിഷ്ക്രിയ പോളിയോ വാക്സിൻ (ഐപിവി), 50,000 ഡോസ് ഹീമോഫിലസ് ഇൻഫ്ലുവൻസ ടൈപ്പ് ബി (ഹിബ്) വാക്സിൻ, 32,000 ഡോസ് ഡിഫ്തീരിയ, ടെറ്റനസ്, പെർട്ടുസിസ് (ഡിടിപി) വാക്സിൻ എന്നിവ അധികമായി വാങ്ങുകയും വിതരണം ചെയ്യുകയും ചെയ്തു.

വാക്സിനേഷനിലൂടെ ആരോഗ്യമുള്ളവരായിരിക്കാനും തടയാവുന്ന രോഗങ്ങളിൽ നിന്ന് സംരക്ഷിക്കപ്പെടാനും കുട്ടികൾക്ക് അവകാശമുണ്ട്. നിലവിലെ സംഘർഷം ഉയർത്തുന്ന നിരവധി വെല്ലുവിളികൾക്കിടയിലും യുക്രെയ്നിൽ പതിവ് രോഗപ്രതിരോധത്തിനായി വാക്സിനുകളുടെ തടസ്സമില്ലാത്ത ലഭ്യത ഉറപ്പാക്കേണ്ടത് നിർണായകമാണ്," യുക്രെയ്നിലെ യൂണിസെഫ് പ്രതിനിധി മുറാത്ത് സാഹിൻ പറഞ്ഞു.

"കുട്ടികളെ സംരക്ഷിക്കുന്നതിന് വാക്സിനുകൾ നൽകിക്കൊണ്ട് യുണിസെഫ് പ്രതിരോധ കുത്തിവയ്പ്പുകളെ പിന്തുണയ്ക്കുന്നു. ഈ ജീവൻരക്ഷാ പ്രതിരോധകുത്തിവെപ്പ് യുക്രെയ്നിലുടനീളമുള്ള ആരോഗ്യസംരക്ഷണ സൗകര്യങ്ങളിൽ ലഭ്യമാണെന്ന് ഉറപ്പാക്കാൻ സഹായിക്കുക എന്നതാണ് ഞങ്ങളുടെ മുൻഗണന, അതുവഴി എല്ലാ കുട്ടികൾക്കും പ്രതിരോധ കുത്തിവയ്പ് നൽകാൻ കഴിയും. കുട്ടിയുടെ വാക്സിനേഷൻ ഷെഡ്യൂൾ പരിശോധിക്കാനും അവരുടെ സംരക്ഷണം ഉറപ്പാക്കാനും മാതാപിതാക്കളോടും രക്ഷാകർത്താക്കളോടും തങ്ങൾ അഭ്യർത്ഥിക്കുന്നുവെന്നും അവർ അറിയിച്ചു.

ജപ്പാ൯ സർക്കാരിന്റെ ധനസഹായത്തിലൂടെയാണ് ഹിബ്, ഡിടിപി വാക്സിനുകളുടെ വിതരണവും സാധ്യമായത്. യുക്രെയ്നിലെ പ്രതിരോധ കുത്തിവയ്പ്പുകളെ പിന്തുണയ്ക്കുന്നതിനായി 2022 ലും 2023 ലും യുണിസെഫ് 2.89 ദശലക്ഷത്തിലധികം ഡോസ് വാക്സിനുകൾ അതായത് പോളിയോ വാക്സിൻ, ഹെപ്പറ്റൈറ്റിസ് ബി, കുട്ടികൾക്കും മുതിർന്നവർക്കും ഡിഫ്തീരിയ-ടെറ്റനസ്, മീസിൽസ്-മംപ്സ്-റുബെല്ല, ക്ഷയരോഗത്തിനുള്ള ബിസിജി, പെന്റാവാലന്റ് വാക്സിൻ, പേവിഷബാധയ്ക്കുള്ള കുത്തിവയ്പ്പ് എന്നിവയുൾപ്പെടെ നൽകി. കൂടാതെ, ദേശീയ, പ്രാദേശിക വെയർഹൗസുകൾ മുതൽ വാക്സിനേഷൻ പോയിന്റുകൾ വരെ എല്ലാ തലങ്ങളിലും യുണിസെഫ് കോൾഡ് ശൃംഖല ശക്തിപ്പെടുത്തിയിട്ടുണ്ട്.

കോവാക്സ് സംരംഭത്തിന്റെ ഭാഗമായി, വാക്സിനേഷൻ ശൃംഖല ശക്തിപ്പെടുത്തുന്നതിനായി ദേശീയ, പ്രാദേശിക തലങ്ങളിൽ സ്ഥാപിക്കുന്നതിനായി യൂണിസെഫ് 26 ഫ്രീസറുകൾ വാങ്ങിയിട്ടുണ്ട്. ലോകബാങ്കിന്റെ ധനസഹായത്തോടെ വാങ്ങുകയും നിലവിൽ സ്ഥാപിക്കുകയും ചെയ്യുന്ന 5,200 വാക്സിൻ റഫ്രിജറേറ്ററുകളും ഫ്രീസറുകളും വാക്സിനേഷൻ പോയിന്റുകളിൽ വാക്സിനുകൾ സുരക്ഷിതമായി സംഭരിക്കാൻ സഹായിക്കും.