സഹോദരനെ വഴിയിൽ തടഞ്ഞത് ചോദിക്കാനെത്തിയ യുവാവിനെ കുത്തിക്കൊന്നു

സഹോദരനെയും സൂഹൃത്തിനെയും ഒരുസംഘം ആളുകൾ വഴിയിൽ തടഞ്ഞത് ചോദിക്കാനെത്തിയ യുവാവിനെ കുത്തിക്കൊന്നു. കൊല്ലം വിളിച്ചിക്കാലയിൽ ഇന്നലെ രാത്രി 10 മണിയോടെയാണ് സംഭവം നടന്നത്.

കണ്ണനല്ലൂർ മുട്ടയ്ക്കാവ് സ്വദേശി നവാസ്(35) ആണ് കൊല്ലപ്പെട്ടത്. സംഘം ചേർന്നുള്ള ആക്രമണത്തിനിടെ ഒരാൾ കത്തികൊണ്ട് നവാസിനെ കുത്തുകയായിരുന്നു. നവാസിന്റെ സഹോദരനെയും സുഹൃത്തിനെയും ഒരു സംഘം ആളുകൾ വഴിയിൽ തടഞ്ഞുനിറുത്തി ആക്രമിച്ചിരുന്നു. ഇത് ചോദിക്കാനെത്തിയതായിരുന്നു നവാസ്.അക്രമി സംഘവും നവാസും തമ്മിൽ തർക്കമുണ്ടാവുകയും സംഘത്തിലൊരാൾ കയ്യിൽ കരുതിയിരുന്ന കത്തികൊണ്ട് നവാസിനെ കുത്തുകയുമായിരുന്നു.

ക്രിമിനൽ പശ്ചാത്തലമുള്ള സംഘമാണ് അക്രമം നടത്തിയത്. നവാസിനെ അക്രമിസംഘം കുത്തിക്കൊലപ്പെടുത്തുന്നതിന്റെ ഞെട്ടിക്കുന്ന സിസിടിവി ദൃശ്യങ്ങളും പുറത്തുവന്നു