റോയൽ എൻഫീൽഡ് ഇലക്ട്രിക്കിന് എതിരാളിയായി യെസ്ഡി ഇലക്ട്രിക് മോട്ടോർസൈക്കിളുകൾ

റോയൽ എൻഫീൽഡ് ഇലക്ട്രിക്കിന് മുഖ്യ എതിരാളികളെ വിപണിയിൽ അവതരിപ്പിക്കാനൊരുങ്ങി ക്ലാസിക്ക് ലെജന്റ്‌സ് ബ്രാന്റായ യെസ്ഡി. യെസ്ഡി ഇലക്ട്രിക്ക് മോട്ടോർ സൈക്കിളുകളുടെ പ്രവർത്തനം ആരംഭിച്ചുവെന്നാണ് റിപ്പോർട്ട്.ജാവ ബ്രാൻഡിന്റെ പൈതൃകത്തെയും നൊസ്റ്റാൾജിക് ഫലത്തെയും മുൻനിർത്തി ക്ലാസിക് ലെജന്റിന്റെ സ്വന്തം നിർമ്മാണ യൂണിറ്റുകളായിരിക്കും യെസ്ഡി ഇലക്ട്രിക്ക് മോട്ടോർ സൈക്കിളുകൾ നിർമ്മിക്കുക. ഈ മോട്ടോർസൈക്കിൾ ക്ലാസിക്ക് ലെജന്റിന്റെ കീഴിലുള്ള മറ്റൊരു നൊസ്റ്റാൾജിക് മോട്ടോർസൈക്കിൾ ബ്രാന്റിനെ പുനരുജ്ജീവിപ്പിക്കാൻ സജ്ജമാക്കുന്നതാണെന്നാണ് റിപ്പോർട്ട്. 1960 മുതൽ രാജ്യത്ത് ജാവ മോട്ടോർസൈക്കിളുകൾ ലൈസൻസോടെ വിൽക്കാൻ തുടങ്ങിയ മൈസൂർ ആസ്ഥാനമായുള്ള ഐഡിയൽ ജാവ ലിമിറ്റഡിന്റെ ഭാഗമായിരുന്നു യെസ്ഡി. 1973 യെസ്ഡി എന്ന് പുനർനാമകരണം ചെയ്യുകയും ജാവ പ്ലാറ്റ്‌ഫോമുകൾ അടിസ്ഥാനമാക്കിയുള്ള ഉൽപ്പന്നങ്ങളുമായി വിപണിയിലെത്തുകയും ചെയ്യും. ജനപ്രിയ യെസ്ഡിയുടെ ഉല്പന്നങ്ങളിൽ റോഡ്ക്കിംഗ്, മോണാർക്ക്, സിഎൽ മുതലായവ ഉൾപ്പെടുന്നു.

ക്ലാസിക് ലെജന്റ്‌സായ യെസ്ഡിയുടെ പുതിയ ഇലക്ട്രിക് മോട്ടോർസൈക്കിൾ റോയൽ എൻഫീൽഡിന് മുഖ്യ എതിരാളി ആയിരിക്കുമെന്നാണ് പറയപ്പെടുന്നത്. യെസ്ഡി ഇലക്ട്രിക് മോട്ടോർസൈക്കിൾ അതിന്റെ മാതൃ കമ്പനിയായ മഹീന്ദ്രയ്ക്ക് സാങ്കേതിക കൈമാറ്റം നടത്താം. അതേസമയം ക്ലാസിക് ലെജന്റ്‌സിന്റെ ഒരു ഇൻഹൗസ് പ്രോജക്ടാണെന്ന് റിപ്പോർട്ട് കൂട്ടിച്ചേർക്കുന്നു. ഇന്ത്യയ്ക്കായി സീറോ എമിഷൻ മോട്ടോർസൈക്കിൾ വികസിപ്പിക്കുന്നതിൽ മഹീന്ദ്രയുടെ പരിചയവും ഇലക്ട്രിക് വാഹനങ്ങളിലുള്ള വൈദഗ്ധ്യവും പ്രയോജനകരമാണ്. മത്സര വിലയിൽ എത്തിച്ചേരാൻ ക്ലാസിക് ലെജന്റ്‌സ് അതിന്റെ ഇലക്ട്രിക് മോട്ടോർസൈക്കിളിന്റെ പ്രാദേശികവൽക്കരണമാണ് ഉദ്ദേശിക്കുന്നതെന്നും റിപ്പോർട്ടുണ്ട്. ബാറ്ററി സെല്ലുകൾ പോലുള്ള നിർണായക ഘടകങ്ങൾ ഇറക്കുമതി ചെയ്യും. ബാറ്ററി മാനേജ്‌മെന്റ് സിസ്റ്റത്തിന്റെ (ബിഎംഎസ്) വികസനം ഔട്ട് സോഴ്‌സ് ചെയ്യുമോ ഇല്ലയോ എന്നതും വിപണിയിലെത്തിയാലാണ് അറിയാൻ സാധിക്കുക. യെസ്ഡിയുടെ ഡിസൈൻ ക്ലാസിക് സ്‌റ്റൈലിംഗ് മോട്ടോർ സൈക്കിൾ ശൈലിയിലായിരിക്കും.

ക്ലാസിക് ലെജന്റിന്റെ ഗവേഷണ വികസന വകുപ്പിനെ പൂർണ്ണമായും ഉപയോഗപ്പെടുത്തിയായിരിക്കും ഇൻഹൗസിൽ ഇലക്ട്രിക് മോട്ടോർസൈക്കിൾ വികസിപ്പിക്കുക. ഐസി എഞ്ചിൻ ജാവ ശ്രേണി വികസിപ്പിക്കുന്നതിൽ മഹീന്ദ്ര ടു വീലറിന്റെ ആർ & ഡി ടീം ഒരു പ്രധാന പങ്ക് വഹിക്കുമെന്നത് ശ്രദ്ധേയമാണ്. വരാനിരിക്കുന്ന യെസ്ഡി ഇലക്ട്രിക് മോട്ടോർസൈക്കിളിനായി ഇലക്ട്രിക് മോട്ടോർ വികസിപ്പിക്കുന്നതിൽ മഹീന്ദ്ര ഇലക്ട്രിക്കിന്  ഒരു പ്രധാന പങ്ക് വഹിക്കാൻ കഴിയും. ലോഞ്ചുകൾക്കും ഡെലിവറികൾക്കുമുള്ള ടൈംലൈനിൽ ഉറച്ചുനിൽക്കുന്നത് ഇതുവരെ കമ്പനിയ്ക്ക് വെല്ലുവിളിയാണ്. ആകാംക്ഷയോടെ കാത്തിരുന്ന ജാവ പെരക് മോട്ടോർസൈക്കിൾ കഴിഞ്ഞ വർഷം അവസാനത്തോടെ പുറത്തിറക്കിയെങ്കിലും ഡെലിവറികൾ ഇനിയും ആരംഭിച്ചിട്ടില്ല. ജാവ, ജാവ 42 മോഡലുകളും ഡെലിവറികളിൽ കാര്യമായ കാലതാമസം വന്നിട്ടുണ്ട്. പരിഷ്‌കരിച്ച എക്സ്ഹോസ്റ്റ് ഡൗൺട്യൂബുകളും അധിക കാറ്റലറ്റിക് കൺവെർട്ടറും ഉപയോഗിച്ച് ജാവ, ജാവ 42 എന്നിവയുടെ ബിഎസ് 6 പതിപ്പുകൾ കമ്പനി അടുത്തിടെ അവതരിപ്പിച്ചിരുന്നു. കമ്പനിയുടെ പ്രധാന ശ്രദ്ധ, നിലവിലുള്ള ഉൽപ്പന്നങ്ങളുടെ പ്രശ്‌നങ്ങൾ പരിഹരിക്കുന്നതിനും ഇതിനകം പ്രഖ്യാപിച്ച ഉൽപ്പന്നങ്ങൾ വിപണിയിൽ എത്തിക്കുന്നതിനുമാണ്. അതിനാൽ തന്നെ യെസ്ഡി വിപണിയിലെത്തുന്നതിൽ കാലതാമസം ഉണ്ടാകും.