സഞ്ചുവിന് സെഞ്ച്വറി! ബംഗ്ലാദേശിനെതിരായ മൂന്നാം ടി 20യില്‍ ഇന്ത്യയ്ക്ക് റെക്കോഡ്

ബം​ഗ്ലാദേശിനെതിരായ മൂന്നാം ടി-20യില്‍ ഇന്ത്യയ്ക്ക് റെക്കോഡ് നേട്ടം. ടി-20യില്‍ ഇന്ത്യയുടെ ഏറ്റവും ഉയര്‍ന്ന സ്കോറാണ്  ബം​ഗ്ലാദേശിനെതിരായ മൂന്നാം ടി-20യില്‍  ഉണ്ടായത്. സഞ്ജുവിൻ്റെ സെഞ്ച്വറിയുടെ ബലത്തില്‍ 20 ഓവറിൽ 6 വിക്കറ്റ് നഷ്ടത്തില്‍ 297 റണ്‍സാണ് ഇന്ത്യ നേടിയത്.

ബം​ഗ്ലാദേശിന് ജയിക്കാൻ‌ 298 റൺസായിരുന്നു വേണ്ടത്. ഓപ്പണറായി ഇറങ്ങിയ സഞ്ജു 47-ൽ 111 റൺസാണ് എടുത്തത്. ഒരോവറിൽ സഞ്ചു അടിച്ചു കൂട്ടിയത് അഞ്ച് സിക്സർ. 40 പന്തുകളിൽ നിന്നാണ് സഞ്ജുടി 20-യിലെ ആദ്യ സെഞ്ച്വറിയിൽ എത്തിയത്. ടെസ്റ്റ് പദവിയുള്ള ടീമുകളുടെ ഏറ്റവും ഉയർന്ന ടി-20 സ്കോറായിരുന്നു ഇത്.

തുടക്കത്തിലെ ഓപ്പണറായിരുന്ന അഭിഷേക് ശർമയെ  നഷ്ടമായി. പിന്നീട് ക്രീസിലെത്തിയ  സൂര്യകുമാർ‌ യാദവും സഞ്ജുവും ചേർന്നാണ് ബം​ഗ്ലാദേശ് ബോളർമാരെ വീഴ്ത്തിയത്. സ്‌കോര്‍ബോര്‍ഡില്‍ 23 റണ്‍സ് മാത്രമുള്ളപ്പോഴായിരുന്നു അഭിഷേക് ശർമ പുറത്തായത്. പിന്നീടായിരുന്നു സഞ്ജു തകർത്തത്. ഒരു ഇന്ത്യൻ താരത്തിന്‍റെ രണ്ടാമത്തെ അതിവേഗ ടി-20 സെഞ്ചുറി കൂടിയാണ് സഞ്ജു നേടിയിരിക്കുന്നത്. 2017ൽ ശ്രീലങ്കക്കെതിരെ 35 പന്തിൽ സെഞ്ച്വറി തികച്ച രോഹിത് ശർമയാണ് ഒന്നാമൻ.