പെരുമ്പാവൂരില്‍ പട്ടാപ്പകല്‍ യുവതിയെ നടുറോഡില്‍ കുത്തിക്കൊലപ്പെടുത്തി; കൃത്യത്തിന് പിന്നാലെ അസം സ്വദേശിയുടെ ആത്മഹത്യ ശ്രമം
എറണാകുളം പെരുമ്പാവൂരില്‍ യുവതിയെ ആണ്‍സുഹൃത്ത് കുത്തിക്കൊലപ്പെടുത്തി. അസം സ്വദേശിയായ ഫരീദ ബീഗം ആണ് ആക്രമണത്തില്‍ കൊല്ലപ്പെട്ടത്. അസം സ്വദേശിയായ ഫരീദയുടെ ആണ്‍സുഹൃത്താണ് യുവതിയെ കൊലപ്പെടുത്തിയത്. സംഭവത്തിന് പിന്നാലെ സ്വയം ദേഹത്ത് മുറിവേല്‍പ്പിച്ച പ്രതിയെ ആശുപത്രിയില്‍ പ്രവേശിപ്പിച്ചു.
ഞായറാഴ്ച ഉച്ചയ്ക്ക് 12.30ന് ആയിരുന്നു ക്രൂര കൃത്യം അരങ്ങേറിയത്. ഫരീദ നടന്നുപോകുമ്പോള്‍ പ്രതി പിന്നില്‍ നിന്ന് കുത്തി പരിക്കേല്‍പ്പിക്കുകയായിരുന്നു. ആക്രമണത്തില്‍ ഗുരുതരമായി പരിക്കേറ്റ ഫരീദ സംഭവ സ്ഥലത്ത് വച്ച് തന്നെ മരിച്ചെന്നാണ് പുറത്തുവരുന്ന റിപ്പോര്‍ട്ടുകള്‍. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
What's Your Reaction?
