ബൈക്കപകടത്തില്‍ പെണ്‍സുഹൃത്തിന് ദാരുണാന്ത്യം; പിന്നാലെ ബസിന് മുന്നില്‍ ചാടി യുവാവും ജീവനൊടുക്കി
തമിഴ്‌നാട്ടില്‍ ബൈക്കപകടത്തില്‍ പെണ്‍സുഹൃത്ത് മരിച്ചതിന് പിന്നാലെ എന്‍ജിനീയറിംഗ് വിദ്യാര്‍ത്ഥി ബസിന് മുന്നില്‍ ചാടി ജീവനൊടുക്കി. മധുരാന്തകം സ്വദേശി സബ്രീനയും സുഹൃത്ത് യോഗീശ്വരനുമാണ് മരിച്ചത്. ഇരുവരും മൂന്നാം വര്‍ഷ എന്‍ജിനീയറിംഗ് വിദ്യാര്‍ത്ഥികളാണ്. ചെന്നൈ ഈസ്റ്റ് കോസ്റ്റ് റോഡിലുണ്ടായ അപകടത്തിലാണ് സബ്രീന മരിച്ചത്.
മാമല്ലപുരത്തേക്ക് യാത്ര ചെയ്യുകയായിരുന്നു ഇരുവരും. പൂഞ്ചേരി ജംഗ്ഷനില്‍ പുതുച്ചേരി റോഡ് ട്രാന്‍സ്‌പോര്‍ട്ടിന്റെ ബസുമായി കൂട്ടിയിടിച്ചാണ് അപകടം സംഭവിച്ചത്. തലയ്ക്ക് ഗുരുതരമായി പരിക്കേറ്റ സബ്രീനയെ ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. സബ്രീനയുടെ മരണവാര്‍ത്ത അറിഞ്ഞതിന് പിന്നാലെ യോഗീശ്വരന്‍ ആശുപത്രിയില്‍ നിന്ന് പുറത്തേക്ക് ഓടുകയായിരുന്നു.
റോഡിലിറങ്ങിയ യുവാവ് പുതുച്ചേരിയിലേക്ക് പോകുകയായിരുന്ന ബസിന് മുന്നില്‍ ചാടി. ബസിനടിയില്‍പ്പെട്ട യോഗീശ്വരന്‍ സംഭവ സ്ഥലത്ത് തന്നെ മരിക്കുകയായിരുന്നു. ഇരു വാഹനങ്ങളുടെയും ഡ്രൈവര്‍മാരെ പൊലീസ് കസ്റ്റഡിയിലെടുത്തു.
What's Your Reaction?
