L2 Empuraan: എമ്പുരാനെ അവധിദിനത്തിൽ വെട്ടിച്ചുരുക്കി സെൻസർബോർഡ്, തിങ്കളാഴ്ച മുതൽ റീ എഡിറ്റഡ് പതിപ്പ്

ഇതിന്റെ പശ്ചാത്തലത്തിൽ തിരുവനന്തപുരം ചിത്രാഞ്ജലി സ്റ്റുഡിയോയിലെ സെൻസർ ബോർഡ് ആസ്ഥാനത്താണ് മോഡിഫിക്കേഷൻ നടപടികൾ പൂർത്തിയാക്കിയത്. അവധി ദിവസമായിരുന്നിട്ടും സെൻസറിങ്, റീ എഡിറ്റിങ് നടപടികൾ നടന്നത് എന്നത് ശ്രദ്ധേയമാണ്. ചിത്രത്തിലെ ഗർഭിണിയെ ബലാത്സംഗം ചെയ്യുന്ന സീൻ ആണ് ഒഴിവാക്കിയത്. ചിത്രത്തിലെ വില്ലൻ കഥാപാത്രമായ ബജ്രംഗിയുടെ പേര് മാറ്റി.

ബൽരാജ് എന്നതാണ് പുതിയ പേര്. സിനിമയെച്ചൊല്ലിയുള്ള പ്രതിഷേധങ്ങളും വ്യാപകപരാതികളും ദേശീയ തലത്തിൽ ഉയർന്നിരുന്നു. ആർഎസ്എസ് മുഖപത്രം ഉൾപ്പെടെ മോഹൻലാലിനേയും പൃഥ്വിരാജിനേയും വിമർശിച്ചിരുന്നു. ഇതിന് പിന്നാലെയാണ് നിർമ്മാതാക്കൾ സിനിമയിലെ ഭാഗങ്ങൾ വെട്ടിമാറ്റാൻ സെൻസർ ബോർഡിനെ സമീപിച്ചത്. കേന്ദ്ര സെൻസർ ബോർഡിന്റെ അടിയന്തര ഇടപെടലിൽ അവധി ദിവസത്തിൽ തന്നെ റീ എഡിറ്റിങ് നടത്തുകയായിരുന്നു.