ഒക്ടോബർ 1 മുതൽ ട്രെയിനിൽ യാത്ര ചെയ്യുമ്പോൾ ഇതൊക്കെ കയ്യിൽ ഇല്ലെങ്കിൽ പ്രശ്നമാകും!
റെയിൽ യാത്രക്കാർ ശ്രദ്ധിക്കുക... ഒക്ടോബർ ഒന്ന് മുതൽ പ്രത്യേക ടിക്കറ്റ് പരിശോധനാ യജ്ഞം
ഇളവുകളുള്ള നിരക്കുകൾ, പ്രത്യേക റിസർവേഷൻ ക്വാട്ടകൾ, റെയിൽവേ പാസുകൾ എന്നിവ ഉപയോഗിച്ച് ബുക്ക് ചെയ്ത ടിക്കറ്റുകൾക്കാണ് പരിശോധനയിൽ പ്രത്യേക ശ്രദ്ധ.
ഇളവുകളുള്ള നിരക്കുകൾ, പ്രത്യേക റിസർവേഷൻ ക്വാട്ടകൾ, റെയിൽവേ പാസുകൾ എന്നിവ ഉപയോഗിച്ച് ബുക്ക് ചെയ്ത ടിക്കറ്റുകൾക്ക് പ്രത്യേക ശ്രദ്ധ നൽകി ഇന്ത്യൻ റെയിൽവേ ഒക്ടോബർ 1 മുതൽ പ്രത്യേക ടിക്കറ്റ് പരിശോധനാ യജ്ഞം ആരംഭിക്കും. ഒക്ടോബർ 1 മുതൽ 31 വരെ സെൻട്രൽ റെയിൽവേ ശൃംഖലയിലുടനീളം നടക്കുന്ന പരിശോധനയിൽ റെയിൽവേ സ്റ്റേഷനുകളും ലോക്കൽ ട്രെയിനുകളും ഉൾപ്പെടും. ഗ്രൂപ്പ് ബുക്കിംഗുകളും പരിശോധനയ്ക്ക് വിധേയമാക്കും. സാധുവായ ടിക്കറ്റും ആവശ്യമായ രേഖകളും കൈവശം വെക്കണമെന്നും സുഗമമായ യാത്ര ഉറപ്പാക്കാൻ ടിക്കറ്റ് പരിശോധനാ ഉദ്യോഗസ്ഥരുമായി സഹകരിക്കണമെന്നും സെൻട്രൽ റെയിൽവേ യാത്രക്കാരോട് അഭ്യർത്ഥിച്ചു.
എന്താണ് ഒക്ടോബർ 1 മുതൽ 31 വരെയുള്ള ടിക്കറ്റ് പരിശോധനാ യജ്ഞം?
- ആധാർ കാർഡ്
- പാസ്പോർട്ട്
- പാൻ കാർഡ്
- ഡ്രൈവിങ് ലൈസൻസ്
- വോട്ടർ ഫോട്ടോ തിരിച്ചറിയൽ കാർഡ്
- കേന്ദ്ര, സംസ്ഥാന സർക്കാരുകൾ നൽകുന്ന ഫോട്ടോ പതിച്ച തിരിച്ചറിയൽ കാർഡ്
- അംഗീകൃത സ്കൂൾ, കോളജ് എന്നിവ നൽകുന്ന ഫോട്ടോ പതിച്ച വിദ്യാർഥി തിരിച്ചറിയൽ കാർഡ്
- ഫോട്ടോ പതിച്ച ദേശസാൽകൃത ബാങ്ക് പാസ്ബുക്ക്
- ഫോട്ടോ പതിച്ച ലാമിനേറ്റഡ് ബാങ്ക് ക്രെഡിറ്റ് കാർഡ്
റെയിൽ യാത്രക്കാർ ശ്രദ്ധിക്കുക... ഒക്ടോബർ ഒന്ന് മുതൽ പ്രത്യേക ടിക്കറ്റ് പരിശോധനാ യജ്ഞം
ഇളവുകളുള്ള നിരക്കുകൾ, പ്രത്യേക റിസർവേഷൻ ക്വാട്ടകൾ, റെയിൽവേ പാസുകൾ എന്നിവ ഉപയോഗിച്ച് ബുക്ക് ചെയ്ത ടിക്കറ്റുകൾക്കാണ് പരിശോധനയിൽ പ്രത്യേക ശ്രദ്ധ.
ഒക്ടോബർ ഒന്ന് മുതൽ മുപ്പത്തിയൊന്ന് വരെ സെൻട്രൽ റെയിൽവേ ശൃംഖലയിലുടനീളം പരിശോധന നടക്കും. റെയിൽവേ സ്റ്റേഷനുകൾക്കും ലോക്കൽ ട്രെയിനുകൾക്കും പുറമെ ഗ്രൂപ്പ് ബുക്കിംഗുകളും പരിശോധനയ്ക്ക് വിധേയമാക്കും.
ടിക്കറ്റില്ലാതെ യാത്ര ചെയ്യുന്നവരെ കണ്ടെത്തുന്നതിൽ മാത്രമല്ല പരിശോധന. ഇളവുള്ള ടിക്കറ്റുകൾക്കും പ്രത്യേക ക്വാട്ടകൾക്കും യാത്രക്കാർ യഥാർഥത്തിൽ അർഹരാണോ എന്നും ഉദ്യോഗസ്ഥർ പരിശോധിക്കും.
റിസർവ് ചെയ്യാത്ത ടിക്കറ്റുകളും കർശനമായി പരിശോധിക്കും. ആവശ്യമായ സാഹചര്യങ്ങളിൽ ടിക്കറ്റുകളുടെ ആധികാരികത പരിശോധിക്കാൻ ‘ടിടിഇ ആപ്പ്’ ഉപയോഗിക്കാനും പരിശോധനാ ഉദ്യോഗസ്ഥർക്ക് അനുമതിയുണ്ട്.
ഇളവുള്ള ടിക്കറ്റുകളിലോ പ്രത്യേക റിസർവേഷൻ ക്വാട്ടകളിലോ യാത്ര ചെയ്യുന്നവർ അർഹത തെളിയിക്കുന്നതിനായി അസ്സൽ തിരിച്ചറിയൽ രേഖ തന്നെ കൈവശം കരുതണം.
അംഗീകരിക്കപ്പെട്ട അസ്സൽ തിരിച്ചറിയൽ രേഖകൾ:
മൊബൈൽ ഫോണിൽ സൂക്ഷിച്ചിരിക്കുന്ന രേഖയുടെ ചിത്രം അല്ലെങ്കിൽ ഫോട്ടോകോപ്പി മാത്രം ആശ്രയിക്കാതെ, അസ്സൽ രേഖ കൈവശം വെക്കണമെന്നാണ് റെയിൽവേയുടെ നിർദേശം.
ഗ്രൂപ്പ് ബുക്കിംഗിലും യാത്രക്കാർ പ്രത്യേക ശ്രദ്ധ പുലർത്തണം. ഒരേ ടിക്കറ്റിൽ ഒന്നിലധികം പേർ യാത്ര ചെയ്യുമ്പോൾ, ടിക്കറ്റിൽ പേരുള്ള യാത്രക്കാരിൽ ഒരാൾ നിർദ്ദിഷ്ട അസ്സൽ തിരിച്ചറിയൽ രേഖ കൈവശം കരുതണമെന്ന് സെൻട്രൽ റെയിൽവേ അറിയിച്ചു.
ഇ-പാസ് അല്ലെങ്കിൽ പ്രിവിലേജ് ടിക്കറ്റ് ഓർഡർ, അഥവാ പി.ടി.ഒ ഉപയോഗിക്കുന്നവരും രേഖാ പരിശോധനയ്ക്ക് വിധേയരാകും. യാത്രയ്ക്ക് മുമ്പ് ഇ-പാസ് അല്ലെങ്കിൽ പി.ടി.ഒ കൃത്യമായ നടപടിക്രമങ്ങളിലൂടെ ‘അതോറിറ്റി ടു ട്രാവൽ’ രേഖയായി മാറ്റിയിട്ടുണ്ടെന്നും ഉറപ്പാക്കണം.
അസ്സൽ രേഖകൾ ഹാജരാക്കാനോ ആവശ്യമായ അർഹത തെളിയിക്കാനോ കഴിയാത്ത യാത്രക്കാർക്കെതിരെ റെയിൽവേ ചട്ടപ്രകാരം നടപടി ഉണ്ടായേക്കാം.
അതിനാൽ, ഒക്ടോബർ മാസത്തിലെ പരിശോധനാ യജ്ഞത്തിനിടെ യാത്രക്കാർ സാധുവായ ടിക്കറ്റും ആവശ്യമായ അസ്സൽ രേഖകളും കൈവശം കരുതണമെന്ന് സെൻട്രൽ റെയിൽവേ അഭ്യർത്ഥിച്ചു.
What's Your Reaction?
