ഇ ബുള്‍ജെറ്റിന്റെ വാഹനം അപകടത്തില്‍പ്പെട്ടു; വ്‌ളോഗര്‍ സഹോദരന്മാര്‍ ആശുപത്രിയില്‍
വ്‌ളോഗര്‍മാരായ ഇ ബുള്‍ജെറ്റ് സഹോദരന്‍മാരുടെ വാഹനം അപകടത്തില്‍പ്പെട്ടു. ഇ ബുള്‍ജെറ്റ് സഹോദരന്‍മാരായ എബിനും ലിബിനും സഞ്ചരിച്ച വാഹനം എതിര്‍ ദിശയില്‍ വന്ന കാറുമായി കൂട്ടിയിടിച്ച് മൂന്ന് പേര്‍ക്ക് പരിക്കേറ്റു. പാലക്കാട് ചെറുപ്പുളശ്ശേരി ആലിക്കുളത്തിന് സമീപത്തായിരുന്നു അപകടം സംഭവിച്ചത്.
അപകടത്തില്‍ പരിക്കേറ്റവരെ പെരിന്തല്‍മണ്ണയിലെ സ്വകാര്യ ആശുപത്രിയിലേക്ക് മാറ്റിയിട്ടുണ്ട്. വ്‌ളോഗര്‍ സഹോദരന്മാര്‍ ചെറുപ്പുളശ്ശേരിയില്‍ നിന്ന് പാലക്കാട്ടേയ്ക്ക് പോകുകയായിരുന്നു. അപകടത്തില്‍ വ്‌ളോഗര്‍ സഹോദരന്മാരെ കൂടാതെ എതിര്‍ ദിശയില്‍ വന്ന കാറിലെ യാത്രക്കാരനും പരിക്കേറ്റിട്ടുണ്ട്.
ചെര്‍പ്പുളശ്ശേരിയില്‍നിന്ന് പാലക്കാട് ഭാഗത്തേക്ക് പോവുകയായിരുന്ന 'ഇ-ബുള്‍ ജെറ്റ്' സഹോദരങ്ങള്‍ സഞ്ചരിച്ച കാറും എതിര്‍ദിശയില്‍നിന്ന് വന്ന കാറും കൂട്ടിയിടിക്കുകയായിരുന്നു.
അപകടത്തില്‍ ആര്‍ക്കും കാര്യമായ പരിക്കില്ല. നിസ്സാര പരിക്കുള്ളവരെ പെരിന്തല്‍മണ്ണയിലെ ആശുപത്രിയില്‍ പ്രവേശിപ്പിച്ചു. ഒരു കുഞ്ഞ് ഉള്‍പ്പെടെ ആറുപേരാണ് വാഹനത്തിലുണ്ടായിരുന്നത്.
കണ്ണൂര്‍ ഇരിട്ടി സ്വദേശികളും സഹോദരങ്ങളുമായ എബിനും ലിബിനുമാണ് ഇ-ബുള്‍ ജെറ്റ് എന്ന യൂട്യൂബ് ചാനലിലൂടെ പ്രശസ്തരായത്. എആർഎഐയുടെ അംഗീകാരത്തോടെ , ഇന്ത്യയിലെ പ്രശസ്തമായ കാരവൻ ബിൽഡിംഗ് വർക്ക് ഷോപ്പായ "ഓജസ് " ടെമ്പോ ട്രാവലറിൻ്റെ ചേസിസിൽ നിർമ്മിച്ച "നെപ്പോളിയൻ" എന്ന പേരിലുള്ള അവരുടെ കാരവാനിൽ അവർ രാജ്യത്തും അന്തർദ്ദേശീയമായും ചുറ്റി സഞ്ചരിച്ചു യുട്യൂബിലും ഫേസ്ബുക്കിലും അപ്‌ലോഡ് ചെയ്യുന്ന യാത്ര വീഡിയോകൾ അവരെ പ്രശസ്തരാക്കി
What's Your Reaction?
