എറണാകുളം ആലുവയില്‍ വന്‍ തീപിടുത്തം; ഇലക്ട്രോണിക് ഷോപ്പ് പൂര്‍ണമായും കത്തി നശിച്ചു
എറണാകുളം ആലുവയില്‍ വന്‍ തീപിടുത്തം. തോട്ടുമുക്കത്ത് പ്രവര്‍ത്തിച്ചിരുന്ന ഇലക്ട്രോണിക് ഷോപ്പിലാണ് തീപിടുത്തം ഉണ്ടായത്. അപകടത്തില്‍ ഇലക്ട്രോണിക് ഷോപ്പ് പൂര്‍ണമായും കത്തി നശിച്ചിട്ടുണ്ട്. തോട്ടുമുക്കത്ത് പ്രവര്‍ത്തിച്ചിരുന്ന ഐ ബെല്‍ ഷോറൂമിനാണ് തീപിടുത്തമുണ്ടായത്. അവധി ദിവസമായതിനാല്‍ ജീവനക്കാര്‍ ആരും ഷോറൂമിലുണ്ടായിരുന്നില്ല.
ഐ ബെല്ലിന്റെ ഷോറൂമിന്റെ മുകളിലത്തെ നിലയിലാണ് തീപിടുത്തം ഉണ്ടായത്. അപകടത്തെ തുടര്‍ന്ന് അഗ്നിശമന സേന സ്ഥലത്തെത്തി തീ കെടുത്തി. വിവരം ലഭിച്ചയുടന്‍ രണ്ട് യൂണിറ്റ് ഫയര്‍ ആന്റ് റെസ്‌ക്യു ടീം സ്ഥലത്തെത്തി. പിന്നീട് കൂടുതല്‍ യൂണിറ്റുകള്‍ സംഭവ സ്ഥലത്തെത്തി. തീ പടര്‍ന്നതിന് പിന്നാലെ റോഡിലേക്ക് ഗ്ലാസുകളും മറ്റും പൊട്ടി തെറിച്ച് വീണു. തീപിടുത്തത്തിന്റെ കാരണം വ്യക്തമല്ല. ഉച്ചയ്ക്ക് ശേഷം 3.30ന് ആയിരുന്നു സംഭവം നടന്നത്.
What's Your Reaction?
