Reliance AGM 2024: റിലയൻസ് ഇൻഡസ്ട്രീസ് സാമ്പത്തിക വർഷത്തിൽ വാർഷിക വരുമാനം 10 ലക്ഷം കോടി രൂപ കടന്ന ഇന്ത്യയിലെ ആദ്യ കമ്പനി: മുകേഷ് അംബാനി

 2024 സാമ്പത്തിക വർഷത്തിൽ വാർഷിക വരുമാനം 10 ലക്ഷം കോടി കടന്ന ആദ്യ കമ്പനിയാണ് റിലയൻസ് ഇൻസട്രീസ് ലിമിറ്റഡെന്ന് ചെയർമാൻ മുകേഷ് അംബാനി. റിലയൻസ് ഇൻഡസ്ട്രീസ് ലിമിറ്റഡിൻ്റെ (ആർഐഎൽ) 47-ാമത് വാർഷിക പൊതുയോഗത്തിൽ (എജിഎം) സംസാരിക്കുകയായിരുന്നു അദ്ദേഹം.

2024 സാമ്പത്തിക വർഷം 10,00,122 കോടി രൂപയുടെ (119.9 ബില്യൺ ഡോളർ) റെക്കോഡ് ഏകീകൃത വിറ്റുവരവാണ് രേഖപ്പെടുത്തിയത്. ഇതോടെ വാർഷിക വരുമാനത്തിൽ 10 ലക്ഷം കോടി (119.9 ബില്യൺ ഡോളർ) കടക്കുന്ന ഇന്ത്യയിലെ ആദ്യത്തെ കമ്പനിയായി. EBITDA ₹ 1,78,677 കോടി ($ 21.4 ബില്യൺ), അറ്റാദായം ₹ 79,020 കോടി ($ 9.5 ബില്യൺ) ആയിരുന്നു. കയറ്റുമതി ₹2,99,832 കോടി (35.9 ബില്യൺ ഡോളർ) ആയിരുന്നു, ഇത് ഇന്ത്യയുടെ മൊത്തം ചരക്ക് കയറ്റുമതിയുടെ 8.2% ആണ്. കഴിഞ്ഞ മൂന്ന് വർഷങ്ങളിൽ 5.28 ലക്ഷം കോടി രൂപ (66.0 ബില്യൺ ഡോളർ)യുടെ നിക്ഷേപം നടത്തി. 2023-24 സാമ്പത്തിക വർഷത്തിൽ വിവിധ നികുതികളും തീരുവകളും വഴി 1,86,440 കോടി രൂപ (22.4 ബില്യൺ ഡോളർ) സംഭാവന ചെയ്‌ത് രാജ്യത്തിന്റെ ഖജനാവിലേക്ക് ഏറ്റവും വലിയ സംഭാവന നൽകുന്ന കമ്പനിയായി തുടർന്നു.

വാർഷിക സിഎസ്ആർ ചെലവിൽ 25% വർദ്ധനയോടെ 1,592 കോടി രൂപയായി (191 ദശലക്ഷം ഡോളർ) അതിൻ്റെ സാമൂഹിക സ്വാധീനം വിപുലീകരിച്ചു. ഇതോടെ, കഴിഞ്ഞ മൂന്ന് വർഷമായി റിലയൻസിൻ്റെ മൊത്തം സിഎസ്ആർ ചെലവ് 4,000 കോടി (502 ദശലക്ഷം ഡോളർ) കവിഞ്ഞു, ഇത് എല്ലാ ഇന്ത്യൻ കോർപ്പറേറ്റുകളിലും ഏറ്റവും വലുതാണ്. കഴിഞ്ഞ വർഷം 1.7 ലക്ഷം പുതിയ തൊഴിലവസരങ്ങൾ കൂട്ടിച്ചേർത്തു. തൊഴിലിൻ്റെ പരമ്പരാഗതവും പുതിയതുമായ ഇടപഴകൽ മാതൃകകൾ ഉൾപ്പെടുത്തിയാൽ, ഇന്ന് ഞങ്ങളുടെ ജോലിക്കാരുടെ എണ്ണം ഏകദേശം 6.5 ലക്ഷമാണ്.