ഒരു ചന്ദനത്തൈയ്ക്ക് 75 രൂപ; വളർന്ന് കഴിഞ്ഞാൽ 10 ലക്ഷം രൂപ വരെ നേടാം

ചന്ദനം വീട്ടിൽ നട്ട് വളർത്താമോ?

ചന്ദനം വീട്ടിൽ നട്ട് വളർത്തുന്നതിന് നിയമതടസമില്ല. അതേസമയം തൈ നടുമ്പോഴും അത് മുറിക്കാനും സർക്കാരിന്‍റെ അനുമതി വേണം. സ്വകാര്യ വ്യക്തികളുടെ ഭൂമിയിൽ ചന്ദന മരം ഉണ്ടെങ്കിൽ സർക്കാർ അവർക്ക് പണം നൽകും.

ചന്ദനം തൂക്കിവിൽക്കാം

മറ്റ് തടികൾ പോലെ ക്യുബിക് അടിയിലോ ക്യുബിക് മീറ്ററിലോ അല്ല ചന്ദനം അളവ് കണക്കാക്കുന്നത്, കിലോഗ്രാമിലാണ് ഇതിന്‍റെ തൂക്കം നിശ്ചയിക്കുന്നത്. മരത്തിന്‍റെ മൊത്തവിലയുടെ 95 ശതമാനം വരെ ഉടമയ്ക്ക് ലഭിച്ചേക്കാം. ഒരു ചന്ദനമരം മുഴുവനായി വിറ്റു കഴിയുമ്പോൾ അഞ്ച് മുതൽ 10 ലക്ഷം രൂപ വരെ നേടാനാകും. എന്നാൽ ഒരു കാര്യം ശ്രദ്ധിക്കുക വനംവകുപ്പിന്‍റെ അനുമതി ഇല്ലാതെ ചന്ദന മരം മുറിച്ച് കടത്തുന്നത് അഞ്ച് വർഷം വരെ തടവുശിക്ഷ ലഭിക്കുന്ന കുറ്റമാണ്.

ചന്ദനത്തിന്‍റെ മറയൂർ പെരുമ

ചന്ദനത്തിന് ഏറെ പ്രശസ്തമായ സ്ഥലമാണ് ഇടുക്കി ജില്ലയിലെ മറയൂർ. മികച്ച നിലവാരത്തിലുള്ള ചന്ദനത്തടികളാണ് മറയൂരിലേത്. ഇവിടുത്തെ ചന്ദനത്തടിയിൽ കാതലും ചന്ദനത്തൈലത്തിന്‍റെ അളവും കൂടുതലാണ്. മറയൂരിലേക്ക് പോകുമ്പോൾ വഴിയുടെ ഇരുവശങ്ങളും നിറഞ്ഞുനിൽക്കുന്ന ചന്ദനത്തിന്‍റെ കുളിർമയും തണലും വ്യത്യസ്തമായ ഒരു അനുഭവം തന്നെയാണ്. മഴനിഴൽ പ്രദേശമായ മറയൂരിന്‍റെ ഭൂമിശാസ്ത്രപരമായ പ്രത്യേകത കാരണമാണ് ചന്ദനത്തിന് കാതൽ കൂടാൻ കാരണമെന്ന് ഈ രംഗത്തെ വിദഗ്ദ്ധർ പറയുന്നു