പുതിയ ബിസിനസ് സംരംഭവുമായി രമേശ് പിഷാരടി. സ്വപ്നം യാഥാർത്ഥ്യമാകുന്നു എന്ന് താരം

മലയാളികളുടെ പ്രിയപ്പെട്ട നടനും അവതാരകനും എല്ലാമാണ് രമേശ് പിഷാരടി. മിമിക്രിയിലൂടെ ആണ് താരം സിനിമയിലേക്ക് എത്തുന്നത്. തൻറെ സ്വപ്രയത്നത്തിലൂടെ ആണ് സിനിമയിൽ താരം സ്ഥാനം ഉണ്ടാക്കിയെടുത്തത്. ഒരു സംവിധായകനും കൂടിയാണ് ഇദ്ദേഹം. ഒരു കാര്യം വളരെ രസകരമായ രീതിയിൽ അവതരിപ്പിക്കാനുള്ള പിഷാരടിയുടെ കഴിവ് പ്രശസ്തമാണ്. സാമൂഹ്യ മാധ്യമങ്ങളിലും സജീവമാണ് രമേശ് പിഷാരടി.

ഇപ്പോൾ താനൊരു പുതിയ ബിസിനസ് സംരംഭം ആരംഭിക്കാൻ പോകുന്ന കാര്യം വെളിപ്പെടുത്തുകയാണ് ഇദ്ദേഹം. കേക്ക് വിൽക്കുന്ന കേക്ക് റിൽസ് കഫെ ബൈ ഫാരൻഹീറ്റ് 375 ആണ് പിഷാരടി ആരംഭിക്കാൻ തുടങ്ങുന്നത്. എറണാകുളത്തുള്ള ഒബ്രോൺ മാളിലാണ് പിഷാരടി ഈ കഫെ തുടങ്ങുന്നത്. ജൂലൈ 15 മുതൽ കഫെ തുടങ്ങാൻ പോവുകയാണ്.

താരം തന്നെയാണ് ഇതിനെ കുറിച്ചുള്ള കാര്യങ്ങൾ വെളിപ്പെടുത്തിയത്. ഒരു വീഡിയോയിലൂടെയാണ് പിഷാരടി ഇക്കാര്യം വെളിപ്പെടുത്തിയത്. ഈ വീഡിയോ ഇപ്പോൾ ഏറെ ശ്രദ്ധ നേടുകയാണ്. തന്റെ ഇൻസ്റ്റഗ്രാം പേജിൽ താരം ഈ വീഡിയോ പോസ്റ്റ് ചെയ്യുകയും ചെയ്തു. എൻറെ പുതിയ സംരംഭം.. മധുരമുള്ള ഒരു സ്വപ്നം കൂടെ യാഥാർത്ഥ്യമാകുന്നു, ഏവർക്കും സ്വാഗതം. എന്നാണ് താരം ഇതിന് കുറിപ്പ് നൽകിയിരിക്കുന്നത്.

നിരവധി പ്രേക്ഷകരാണ് താരത്തിന് ആശംസകൾ അറിയിച്ചുകൊണ്ട് രംഗത്തെത്തുന്നത്. പിഷാരടി കേക്കിനെ കുറിച്ചുള്ള ഒരു കഥയും വീഡിയോയിൽ പങ്കുവയ്ക്കുന്നുണ്ട്. വർഷങ്ങൾക്കു മുമ്പ് കേരളത്തിലെ ആദ്യത്തെ കേക്ക് ഉണ്ടാക്കിയ വ്യക്തിയെക്കുറിച്ചും പിഷാരടി പറയുന്നു.