Lovefully Yours Veda | കലാലയ ജീവിതത്തിന്റെ കഥയുമായി ശ്രീനാഥ് ഭാസി, രജിഷ വിജയൻ, ഗൗതം വാസുദേവ മേനോൻ എന്നിവരുടെ 'ലവ് ഫുള്ളി യുവേഴ്സ് വേദ'

കലാലയ ജീവിതത്തിന്റെ വർണ്ണാഭമായ ലോകം വരച്ചിടുന്ന ഒരു മുഴു നീള ക്യാമ്പസ് ചിത്രമായ 'ലവ് ഫുള്ളി യുവേഴ്സ് വേദ' (Lovefully Yours Veda) എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ മമ്മൂട്ടി, മഞ്ജു വാര്യർ, പൃഥ്വിരാജ്, കുഞ്ചാക്കോ ബോബൻ തുടങ്ങിയവർ തങ്ങളുടെ ഫേസ്ബുക്ക് പേജിലൂടെ റിലീസ് ചെയ്തു.

Aug 30, 2022 - 14:36
Aug 30, 2022 - 17:48
 0
Lovefully Yours Veda | കലാലയ ജീവിതത്തിന്റെ കഥയുമായി ശ്രീനാഥ് ഭാസി, രജിഷ വിജയൻ, ഗൗതം വാസുദേവ മേനോൻ എന്നിവരുടെ 'ലവ് ഫുള്ളി യുവേഴ്സ് വേദ'

കലാലയ ജീവിതത്തിന്റെ വർണ്ണാഭമായ ലോകം വരച്ചിടുന്ന ഒരു മുഴു നീള ക്യാമ്പസ് ചിത്രമായ 'ലവ് ഫുള്ളി യുവേഴ്സ് വേദ' (Lovefully Yours Veda) എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ മമ്മൂട്ടി, മഞ്ജു വാര്യർ, പൃഥ്വിരാജ്, കുഞ്ചാക്കോ ബോബൻ തുടങ്ങിയവർ തങ്ങളുടെ ഫേസ്ബുക്ക് പേജിലൂടെ റിലീസ് ചെയ്തു. നവാഗതനായ പ്രഗേഷ് സുകുമാരൻ സംവിധാനം ചെയ്യുന്ന ചിത്രത്തിൽ ശ്രീനാഥ് ഭാസി, രജിഷ വിജയൻ, ഗൗതം വാസുദേവ മേനോൻ, വെങ്കിടേഷ്, അനിഖ സുരേന്ദ്രൻ, രഞ്ജിത് ശേഖർ, ചന്തുനാഥ്, അർജുൻ അശോക്, ഷാജു ശ്രീധർ, ശരത് അപ്പാനി, നിൽജ കെ. ബേബി, ശ്രുതി ജയൻ തുടങ്ങിയവർ അഭിനയിക്കുന്നു.

ആർ ടു എന്റർടൈയ്മെന്റിന്റെ ബാനറിൽ രാധാകൃഷണൻ കല്ലായിൽ, റുവിൻ വിശ്വം എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിന്റെ ഛായാഗ്രഹണം ടോബിൻ തോമസ് നിർവഹിക്കുന്നു.

ഒരു ക്യാമ്പസ് കാലഘട്ടത്തെ പുനഃസൃഷ്ടിച്ച് കലാലയത്തിന്റെ സൗഹൃദങ്ങളുടേയും, പ്രണയത്തിന്റെയും, വിദ്യാർത്ഥി രാഷ്ട്രീയത്തിന്റെയും ഗൃഹാതുരമായ അദ്ധ്യായങ്ങളിലൂടെ സഞ്ചരിക്കുന്ന ഈ ചിത്രത്തിന്റെ തിരക്കഥയും സംഭാഷണവും ബാബു വൈലത്തൂർ എഴുതുന്നു.

റഫീക്ക് അഹമ്മദ്, രതി ശിവരാമൻ, ധന്യ സുരേഷ് മേനോൻ എന്നിവരുടെ വരികൾക്ക് രാഹുൽ രാജ് സംഗീതം പകരുന്നു. കോ പ്രൊഡ്യൂസർ- അബ്ദുൾ സലീം, പ്രൊജക്ട് ഡിസൈനർ- വിബീഷ് വിജയൻ, ലൈൻ പ്രൊഡ്യൂസർ- ഹാരിസ് ദേശം, കല- സുഭാഷ് കരുൺ, മേക്കപ്പ്- ആർ.ജി. വയനാടൻ, വസ്ത്രാലങ്കാരം- അരുൺ മനോഹർ, സ്റ്റിൽസ്- റിഷാജ് മുഹമ്മദ്, എഡിറ്റർ-സോബിൻ സോമൻ, പരസ്യകല- യെല്ലോ ടൂത്ത്സ്, കളറിസ്റ്റ്- ലിജു പ്രഭാകരൻ, ചീഫ് അസോസിയേറ്റ് ഡയറക്ടർ- നിതിൻ സി.സി., പ്രൊഡക്ഷൻ കൺട്രോളർ- റിന്നി ദിവാകരൻ, പി.ആർ.ഒ. - എ.എസ്. ദിനേശ്. വിദ്യാർത്ഥി രാഷ്ട്രീയത്തിന്റെ പ്രതിബദ്ധതയും കാഴ്ചപ്പാടും ചർച്ച ചെയ്യുന്ന 'വേദ' ഒക്ടോബറിൽ പ്രദർശനത്തിനെത്തുന്നു.

What's Your Reaction?

like

dislike

love

funny

angry

sad

wow