Indian Apps: ചൈനീസ് ആപ്പ് നിരോധനത്തിനിടെ നെഞ്ച് വിരിച്ച് ഇന്ത്യൻ ആപ്പുകൾ; വളർച്ച 200 ശതമാനം

ചൈനീസ് ആപ്പുകൾ സർക്കാർ നിലപാട് മൂലം തിരിച്ചടി നേരിടുമ്പോൾ ഇന്ത്യൻ ആപ്പുകൾ വലിയ വളർച്ച സ്വന്തമാക്കുന്നതായാണ് കണക്കുകൾ പറയുന്നത്

Zainan Joseph

Aug 20, 2022 - 20:18

Indian Apps: ചൈനീസ് ആപ്പ് നിരോധനത്തിനിടെ നെഞ്ച് വിരിച്ച് ഇന്ത്യൻ ആപ്പുകൾ; വളർച്ച 200 ശതമാനം

കഴിഞ്ഞ ഏതാനും വർഷങ്ങൾക്കിടയിൽ രാജ്യത്ത് പ്രവർത്തിച്ചിരുന്ന 350 ഓളം ചൈനീസ് ആപ്പുകൾ രാജ്യസുരക്ഷയെ മുൻനിർത്തി കേന്ദ്ര സർക്കാർ നിരോധിച്ചിരുന്നു, ബിജിഎംഐ, വിഎൽസി പ്ലെയർ, യുസി ബ്രൌസർ തുടങ്ങിയ ജനപ്രിയ ആപ്ലിക്കേഷനുകളും ഇക്കൂട്ടത്തിലുണ്ട്. ചൈനീസ് ആപ്പുകൾ സർക്കാർ നിലപാട് മൂലം തിരിച്ചടി നേരിടുമ്പോൾ ഇന്ത്യൻ ആപ്പുകൾ വലിയ വളർച്ച സ്വന്തമാക്കുന്നതായാണ് കണക്കുകൾ പറയുന്നത്.

ഗൂഗിൾ പ്ലേ സ്റ്റോർ തന്നെയാണ് രാജ്യത്ത് ഏറ്റവും കൂടുതൽ ഉപയോഗിക്കപ്പെടുന്ന ആപ്പ് സ്റ്റോർ. 10 വർഷം പൂർത്തിയാക്കിയ ആപ്ലിക്കേഷന് ഇപ്പോൾ ഏകദേശം 190 രാജ്യങ്ങളിലായി 2.5 ബില്യൺ ആക്ടീവ് യൂസേഴ്സ് ഉണ്ട്. ഈ വലിയ യൂസർ ബേസിന്റെ പ്രധാന ഭാഗമാണ് ഇന്ത്യ. ഇന്ത്യൻ ആപ്പുകളും ഗൂഗിൾ പ്ലേ സ്റ്റോറിന്റെ യൂസർ ബേസിലേക്ക് വലിയ സംഭാവന നൽകുന്നു.

കഴിഞ്ഞ രണ്ട് വർഷത്തിനിടെ ഇന്ത്യൻ ഒറിജിൻ ഉള്ള ആപ്പുകളുടെയും ഗെയിമുകളുടെയും പ്രതിമാസ ആക്ടീവ് യൂസേഴ്സിന്റെ എണ്ണം 200 ശതമാനമാണ് വർധിച്ചത്. ഇത് ഇന്ത്യൻ ആപ്പ് വിപണിയിലെ ഒരു പുതിയ നാഴികക്കല്ലായാണ് വിലയിരുത്തുന്നത്. ഗൂഗിൾ തങ്ങളുടെ ബ്ലോഗ് പോസ്റ്റിലൂടെയാണ് ഇന്ത്യൻ ആപ്പുകളുടെ മികച്ച പ്രകടനം അറിയിച്ചത്.

ലോകത്തേറ്റവും കൂടുതൽ ആപ്പുകളും ഗെയിമുകളും ഡൌൺലോഡ് ചെയ്യുന്ന രാജ്യങ്ങളിൽ ഒന്നായി ഇന്ത്യ മാറിയെന്നാണ് ഗൂഗിളിന്റെ ബ്ലോഗ് പോസ്റ്റ് വ്യക്തമാക്കുന്നത്. ഇന്ത്യൻ ആപ്പുകളുടെ യൂസർ ബേസിൽ 200 ശതമാനത്തിന്റെ വർധനവ് രേഖപ്പെടുത്തി. ഇന്ത്യൻ ആപ്പുകളിൽ ഉപയോക്താക്കൾ നടത്തുന്ന സ്പെൻഡിങിലും വർധനവ് ഉണ്ടായിട്ടുണ്ട്. 2019നെ അപേക്ഷിച്ച് 80 ശതമാനം കൂടുതൽ പണമാണ് 2021ൽ യൂസേഴ്സ് ഇന്ത്യൻ ആപ്പുകളിൽ ചിലവഴിക്കുന്നത്.

വിദ്യാഭ്യാസം, പേയ്‌മെന്റ്സ്, ആരോഗ്യം, വിനോദം, ഗെയിമിങ് തുടങ്ങിയ വിഭാഗങ്ങളിലാണ് ഇന്ത്യൻ ആപ്പുകൾ കാര്യമായ വളർച്ച നേടിയതെന്നും ഗൂഗിൾ പറയുന്നു. കൊവിഡ് മാഹാമാരിക്കാലത്ത് വിദ്യാഭ്യാസത്തിനും സാമ്പത്തിക ഇടപാടിനും ആരോഗ്യ കാര്യങ്ങൾക്കുമൊക്കെ വലിയ രീതിയിൽ ഡിജിറ്റൽ സാങ്കേതികവിദ്യയെ ആശ്രയിച്ചിരുന്നു. അതിനാൽ തന്നെ ഈ റിപ്പോർട്ടിൽ വലുതായി അത്ഭുതപ്പെടാനൊന്നുമില്ല.

യൂസർ ബേസിലും മറ്റും ഇന്ത്യൻ ആപ്പുകൾ വലിയ നേട്ടങ്ങൾ കൊയ്യുമ്പോൾ ചൈനീസ് ആപ്പുകൾക്കെതിരായ നടപടികൾ കടുപ്പിക്കുകയാണ് കേന്ദ്ര സർക്കാർ. 54 ആപ്പുകൾ കൂടി പുതിയതായി നിരോധിത ആപ്പുകളുടെ പട്ടികയിൽ ഉൾപ്പെടുത്തിയിരിക്കുകയാണ് കേന്ദ്ര സർക്കാർ.

നിരോധിത ആപ്പുകൾ